DÇ 2022: Argentina finalda
Bu gün Qətərdə təşkil olunan DÇ-2022-də yarımfinal mərhələsinə start verilib.
Sportline.az xəbər verir ki, ilk oyununda Argentina və Xorvatiya yığmaları üz-üzə gəlib. Bununla da mundialda ilk finalçı bəlli olub. "Lusail" stadionunda keçirilən qarşılaşma Bakı vaxtı ilə saat 23:00-da başlayıb. Argentina Xorvatiyanı 3 cavabsız qolla məğlub edib.
Argentina mundialın həlledici qarşılaşmasında Fransa - Mərakeş duelinin güclüsü ilə üz-üzə gələcək.
Qeyd edək ki, yarımfinalın digər matçında sabah Fransa millisi Mərakeşi sınağa çəkəcək. Final oyunu isə dekabrın 18-də olacaq.
DÇ-2022
Yarımfinal
13 dekabr
23:00. Argentina - Xorvatiya - 3:0
Qollar: Lionel Messi, 34-pen, Xulian Alvares, 38, 69
Baş hakim: Daniele Orsato (İtaliya)
"Lusail" stadionu
