"Formula-1" üzrə İtaliya Qran-prisinin qalibi məlum olub
“Maklaren” komandasını pilotu Daniel Rikkardo "Formula-1" üzrə İtaliya Qran-prisinin qalibi olub.
Sportline.az xəbər verir ki, yarışda ikinci yeri Rikkardonun komanda yoldaşı Lando Norris tutub. Ən güclü üçlüyü "Mercedes"in pilotu Valtteri Bottas qapayıb.
Qeyd edək ki, "Formula-1" Dünya Çempionatının 14-cü mərhələsi olan İtaliya Qran-prisinin dünənki sprint yarışında "Mercedes" komandasından olan Valtteri Bottas qalib gəlib. "Red Bull"dan olan niderlandlı Maks Verstappen ikinci olub. Daniel Rikkardo isə üçüncü nəticəni göstərib.
