"Gent" - "Qarabağ" görüşünün hakimləri açıqlandı
Avropa Konfrans Liqası pley-off mərhələsinin "Gent" - "Qarabağ" matçının hakimləri açıqlanıb.
Sportline.az xəbər verir ki, oyunu Şotlandiyadan olan referilər briqadası idarə edəcək.
Baş hakimi Uilliam Kollum olacaq. Ona həmyerliləri Fransis Konnor və David Rume kömək edəcək. Dördüncü hakim funksiyasını Nikolas Uolş yerinə yetirəcək.
Matçın VAR hakimi ingiltərəli David Kute olacaq. Ona Li Betts yardım göstərəcək.
Qeyd edək ki, "Gent" - "Qarabağ" oyunu fevralın 23-də Bakı vaxtilə saat 00:00-da başlanacaq. İlk oyunda "Qarabağ" 1-0 hesabı ilə qalib gəlib.
