"İndi sabaha qədər əylənmək vaxtıdır" - Skaloni
“Bu, həzz almaq üçün bir andır. Biz çətinliyə öyrəşmişik, ona görə də bunun öhdəsindən gələ bilirik. Zirvədə olmaq unikaldır, inanılmaz həzzdir".
Sportline.az xəbər verir ki, bu sözləri Argentina millisinin baş məşqçisi Lionel Skaloni DÇ-2022-nin finalında Fransaya penaltilər seriyasında 4:2 hesabı ilə qalib gəldikləri oyundan (3:3) sonra deyib.
"Atam və anam mənə heç vaxt təslim olmamağı, heç kimə qarşı çıxmamağı, amma həmişə irəli getməyi öyrətdi. Burada olduğum üçün şanslıyam və minnətdaram" - deyə o bildirib.
Mütəxəssis qürur hiss keçirdiyini vurğulayıb: "Matç başlayana qədər heç həyacanlı deyildim. Amma oyun ərzində qəlbim yerindən çıxacaq kimi oldu. Bu komanda ölkəmizi qürurlandırdı. Tarixi bir an yaşadıq. İndi sabaha qədər əylənmək vaxtıdır".
