Kevin De Brüyne "Mançester Siti"dən ayrılacaq

"Mançester Siti"nin belçikalı ulduz futbolçusu Kevin De Brüyne mövsümün sonunda klubdan ayrılacaq.

Sportline.az xəbər verir ki, De Brüyne öz şəxsi "İnstaqram" hesabında ayrılığı ilə bağlı paylaşım edib.

Paylaşımda deyilir; "Əziz Mançester. Bunu görən kimi yəqin ki, nədən söhbət getdiyini başa düşürsən. Birbaşa mətləbə keçəcəyəm və hamınıza bildirəcəyəm ki, bu mənim Mançester Siti oyunçusu kimi son aylarımdır.

Bu barədə yazmaq asan deyil, amma biz futbolçular hamımız bilirik ki, bu gün əvvəl-axır gələcək. O gün gəlir və siz ilk olaraq məndən eşitməyə layiqsiniz.

"Futbol məni sizə və bu şəhərə apardı. Arzumun arxasınca getmək, həm də bu dövrün həyatımı dəyişəcəyini bilmədən. Bu şəhər. Bu klub. Bu insanlar... mənə HƏR ŞEYİ  verdilər! Və təsəvvür edin, biz hər şeyi qazandıq.

"İstəsək də, istəməsək də, vidalaşmağın vaxtıdır. Suri, Roma, Meyson, Mişel və mən bu yerin ailəmiz üçün nə demək olduğuna görə sonsuz minnətdarıq. "Mançester" həmişə uşaqlarımızın pasportlarında - və ən əsası, hər birimizin ürəyində olacaq.

"Bu, həmişə bizim EVimiz olacaq. Bu 10 illik səyahət üçün şəhərə, kluba, heyətə, komanda yoldaşlarına, dostlara və ailəyə kifayət qədər təşəkkür edə bilmərik.

"Hər bir hekayə sona çatır, amma bu, şübhəsiz ki, ən yaxşı fəsil oldu. Gəlin bu son anları birlikdə keçirək! Çoxlu sevgi, Kevindən."

Qeyd edək ki, Kevin De Brüyne 2015-ci ildən "Mançester Siti"də çıxış edir.