Koentrau Yunanıstan klubunda

Yunanıstanı Çempionlar Liqasında təmsil edəcək PAOK klubu növbəti transferini reallaşdırıb.

Sportline.az xəbər verir ki, Saloniki təmsilçisi Portuqaliyanın "Riu Ave" klubunun sol cinah müdafiəçisi Fabiu Koentraunu transfer edib. 31 yaşlı futbolçu tibbi müayinədən keçib, müqavilə imzalamaq üçün Yunanıstana yollanıb. Portuqaliyalı futbolçu PAOK-a azad agent statusu ilə keçib.

Koentrau "Benfika", "Real", "Monako", "Sportinq" kimi klublarda çıxış edib. Müdafiəçi Portuqaliya seçməsində 52 oyuna 5 qol vurub.