Konfrans Liqası: "Başakşehir" "Sent Patriks"ə qarşı
Türkiyə təmsilçisi "Başakşehir" bu gün Konfrans Liqasının pley-off mərhələsində cavab oyununa çıxacaq.
Sportline.az xəbər verir ki, İstanbul klubu doğma meydanda İrlaniyanın "Sent Patriks" komandası ilə qarşılaşacaq.
Tərəflər arasındakı ilk oyun 0-0 hesablı bərabərliklə yekunlaşıb.
Fatih Terim adına Başakşehir Stadionunda keçiriləcək görüş Bakı vaxtı ilə 20:00-da başlayacaq. Matçı macarıstanlı baş hakim Balaş Berke idarə edəcək.
Qeyd edək ki, bu mərhələni adlayan komanda Konfrans Liqasının qrup mərhələsinə vəsiqə qazanacaq. Uduzan komandanın isə Avropa macərası bu mövsüm başa çatacaq.
