Konfrans Liqası: “Neftçi”nin potensial rəqibi bəlli olur
Bu gün Avropa Konfrans Liqasında pley-off mərhələsinin püşkü atılacaq.
Sportline.az xəbər verir ki, Bakı vaxtı ilə saat 16:00-da başlanacaq tədbirdə Azərbaycanın turnirdəki yeganə təmsilçisi "Neftçi"nin də rəqibi bəlli olacaq.
"Ağ-qaralar" 3-cü təsnifat mərhələsində Avstriyanın "Rapid" (Vyana) komandasını üstələyəcəyi təqdirdə, səpələnməmişlər səbətində yer alacaq.
Potensial rəqiblər isə Fransanın "Nitsa" komandası, "Hayduk" (Split, Xorvatiya) - "Vitoriya" (Portuqaliya) cütünün qalibi, "Vaduts" (Lixtenşteyn) - "Konyaspor" (Türkiyə) cütünün qalibi və "Vikinq" (Norveç) - "Slayqo Rovers" (İrlandiya) cütünün qalibi olacaq.
Pley-off mərhələsinin ilk oyunları avqustun 18-də, cavab matçları isə avqustun 25-də keçiriləcək. "Neftçi"nin "Rapid"lə ilk görüşü avqustun 4-də evdə, cavab qarşılaşması avqustun 11-də səfərdə olacaq.
