"Liverpul" 62 milyon avroluq futbolçu transfer edir
"Vulverhempton"un brazilyalı futbolçusu Mateus Kunya mövsümün sonunda klubdan ayrılacaq.
Sportline.az "Football İnsider" nəşrinə istinadən xəbər verir ki, "Liverpul" Kunya üçün 62.5 milyon avro ödəməyə hazırdır.
Mersisayd klubu oyunçunun meneceri ilə təmas halındadır. Kunyanın "Vulverhempton"la müqaviləsi 2029-cu ilin yayına qədərdir.
Qeyd edək ki, 25 yaşlı hücumçu bu mövsüm bütün turnirlər daxil olmaqla çıxış etdiyi 29 matçda 15 qol və 4 asistlə yadda qalıb.
