Maxaçev Makqreqorla döyüşə hazırdır

UFC-nin yüngül çəkili çempionu İslam Maxaçev iddialı bəyanatla çıxış edib.

Sportline.az xəbər verir ki, dağıstanlı idmançı məşhur irlandiyalı Konor Makqreqorla döyüşməyə hazır olduğunu bildirib.

"Bu döyüşdən imtina etmək ağılsızlıq olardı. Əlbəttə onunla döyüşərəm. Təəssüf ki, Konor əvvəlki formada deyil. İçki, viski onu geri salıb. Amma, istənilən halda mən döyüşə hazıram", - deyə Maxaçev Yutubdakı "Pound 4 Pound with Kamaru & Henry" kanalına müsahibəsində fikrini açıqlayıb.

Xatırladaq ki, 2021-ci ildən bəri oktaqona çıxmayan Makqreqorun növbəti rəqibi Maykl Çendler olacaq.

Onların iyunun 29-da üz-üzə gələcəyi gözlənilir.