Məşhur futbolçu Messini ən yaxşı hesab etmir

Almaniya millisinin sabiq futbolçusu Lotar Matteus Messinin FİFA-nın versiyasına görə ən yaxşı seçilməsinə münasibət bildirib.

Sportline.az xəbər verir ki, dünya futbolunun ən məşhur simalarından olan Matteus argentinalı forvardı "The Best" mükafatına layiq görməyib.

"Bu dəfə o, qalib gəlməməli idi. Düşünürəm ki, Messi son 20 ilin ən yaxşısı idi. Amma indi o, "İnter Mayami"də oynayır və orada da hələ ki, böyük titul qazanmayıb", - deyə Matteus Goal nəşrinə fikrini bölüşüb.

Qeyd edək ki, Messi səsvermədə Erlinq Holandla Kilian Mbappeni qabaqlayıb.