NBA: "Boston Seltiks" döyüşə davam" dedi

NBA həvəskarları böyük səbirsizliklə final seriyasını gözləyirlər.

Sportline.az xəbər verir ki, həlledici mərhələyə vəsiqəni təmin edən "Denver Naggets"in rəqibi bu gün müəyyənləşə bilərdi. Amma, "Boston Seltiks" "Mayami Hit"ə “döyüşə davam” deyib.

Konfrans finalının 4-cü oyunu da maraqla gözlənilirdi. İlk 3 qarşılaşmanı qələbə ilə bitirən mayamililər doğma arenada keçirilən 4-cü görüşdə məsələni həll edə bilərdilər. Amma "Boston Seltiks" intriqanı yenidən qızışdırıb. Gərgin və maraqlı mübarizə şəraitində keçən görüşün böyük fasiləsinə 56-50 hesabı ilə meydan sahibləri öndə yollanıblar. Amma, qalan vaxtda geri dönüş etməyi bacaran bostonlular 116-99 hesabı ilə qalib gəliblər. Görüşün ən məhsuldar oyunçusu "Boston Seltiks"in basketbolçusu Jeyson Teytum olub. 33 xal, 11 ribaund, 7 asist.

İndi ümumi seriyada "Mayami Hit" 3-1 hesabı ilə öndədir. Komandaların növbəti görüşü mayın 26 da keçiriləcək.