Onana "Mançester Yunayted"dən ayrılır

"Mançester Yunayted"in kamerunlu qapıçısı Andre Onana mövsümün sonunda klubdan ayrılacaq.

Sportline.az jurnalist David Ornşteynin məlumatına istinadən xəbər verir ki, "Mançester Yunayted"in rəhbərliyi 29 yaşlı kiperin çıxışından narazıdır.

Bu səbəbdən Onana mövsümün sonunda satılacaq. Onun hazır ki dəyəri "Transfermarkt" portalına görə 32 milyon avro olaraq qiymətləndirilir.

Qeyd edək ki, Onana bu mövsüm 43 rəsmi matçda iştirak edib və qapısında 56 top görüb.