Paris-2024: Azərbaycan millisi finala vəsiqə qazanıb
Bədii gimnastika üzrə qrup hərəkətləri komandası Paris Yay Olimpiya Oyunlarında final mərhələsinə vəsiqə qazanıb.
Sportline.az xəbər verir ki, Zeynəb Hümmətova, Darya Sorokina, Ləman Əlimuradova, Güllü Ağalarzadə və Yelizaveta Luzandan ibarət heyət təsnifat mərhələsini 8-ci pillədə başa vurub.
Komandamız ümumi 62.000 xal toplayıb. Gimnastlarımızın halqalarla hərəkətləri 33.850, üç lent və iki topla çıxışı isə 28.150 xalla qiymətləndirilib.
Final çıxışları sabah Bakı vaxtı ilə saat 16:00-da start götürəcək.
