Paris-2024: Hacı Əliyev 1/4 finalda məğlub oldu

Azərbaycanın sərbəst güləşçisi Hacı Əliyev Fransanın paytaxtı Parisdə təşkil olunan Yay Olimpiya Oyunlarında növbəti görüşünə çıxıb.

Sportline.az xəbər verir ki, 65 kq çəki dərəcəsində yarışan, üçqat dünya və dördqat Avropa çempionu olan Əliyev 1/4 finalda Macarıstan təmsilçisi İsmail Muszukayevlə qarşı qarşıya gəlib.

Görüş rəqibin 10:3 hesablı qələbəsi ilə yekunlaşıb.

Qeyd edək ki, Hacı Əliyev bundan əvvəlki mərhələdə meksikalı Ostin Qomesi məğlub etmişdi.