Paris-2024: Sərbəst güləşçimiz 1/2 finalda məğlub oldu

Azərbaycanın sərbəst güləşçisi Giorgi Meşvildişvili Fransanın paytaxtı Parisdə təşkil olunan Yay Olimpiya Oyunlarında növbəti görüşünə çıxıb.

Sportline.az xəbər verir ki, 125 kq çəki dərəcəsində yer alan idmançı yarımfinalda Geno Petriaşvili (Gürcüstan) ilə qarşılaşıb.

Təmsilçimiz bu görüşdə rəqibinə 0:7 hesabı ilə məğlub olub. Meşvildişvili sabah bürünc medal uğrunda yarışacaq.

Qeyd edək ki, 1/8 finalda misirli Diaeldin Abdelmottalebə qalib gələn idmançımız, 1/4 finalda monqolustanlı Lxaqvaqerel Munxturu üstələmişdi.