"Porto"dan "Əl-Nəsr"ə transfer olacaq

"Porto"nun brazilyalı futbolçusu Qaleno klubdan ayrılacaq.

Sportline.az "A Bola" nəşrinə istinadən xəbər verir ki, Qaleno 50 milyon avro qarşılığında "Əl-Nəsr" klubuna transfer olacaq.

27 yaşlı futbolçu bu mövsüm bütün turnirlər daxil olmaqla çıxış etdiyi 31 oyunda 12 qol və 3 məhsuldar ötürmə ilə yadda qalıb.

Qeyd edək ki, Qaleno karyerası ərzində "Trindade", "Anapolis", "Portimonse", "Rio Ave" və "Braqa" kimi klublarda çıxış edib.