"Qarabağ" - "Gent" oyununa nə qədər bilet satılıb?
Avropa Konfrans Liqasının pley-off mərhələsinin “Qarabağ”-“Gent” oyununa bilet satışı davam edir.
Ağdam klubunun mətbuat katibi Gündüz Abbaszadənin Sportline.az-a verdiyi məumata görə, satışa çıxarılan 31 min biletdən 21 mini artıq sahibini tapıb.
Satışda bütün kateqoriyalar üzrə biletlər qalıb. Biletləri Iticket.az və kassalardan almaq olar. Biletlərin qiyməti müvafiq olaraq 5, 30, 40, 75 və 100 manat təşkil edir.
Xatırladaq ki, fevralın 16-da Tofiq Bəhramov adına Respublika stadionunda keçiriləcək oyun saat 21:45-də başlanacaq. Cavab görüşü fevralın 23-də Belçikada olacaq.
