"Qarabağ" Polşaya yollandı
UEFA Konfrans Liqasının 3-cü təsnifat mərhələsinin ilk oyunları çərçivəsində Kiyev "Dinamo"su ilə qarşılaşacaq "Qarabağ" Polşaya yollanıb.
Sportline.az xəbər verir ki, Qurban Qurbanovun rəhbərlik etdiyi kollektiv bir qədər əvvəl oyun üçün Lublinə yola düşüb.
Qeyd edək ki, "Dinamo" - "Qarabağ" qarşılaşması sabah "Lublin Arena"da keçiriləcək və Bakı vaxtı ilə saat 21:00-da start götürəcək. Komandalar arasında cavab oyunu 1 həftə sonra Bakıda olacaq.
