Ramil Şeydayev yeni komandasının düşərgəsində

Millinin hücumçusu Ramil Şeydayev yeni komandası “Kocaelispor” klubunun düşərgəsindədir.

Sportline.az xəbər verir ki, 28 yaşlı hücumçu TFF I Liqa təmsilçisinin bugünkü məşqinə qatılıb.

O, çempionatın növbəti turunda “Eyüpspor”la keçiriləcək görüşə Körfəz Brunqa bazasında hazırlaşan kollektivlə ilk məşqə çıxıb.

Tailandın “Buriram Yunayted” klubundan transfer olunan forvardın müqavilə müddəti 2025-ci ilin yayına qədər nəzərdə tutulub.

Qeyd edək ki, XIX turun “Kocaelispor” – “Eyüpspor” oyunu yanvarın 20-də keçiriləcək.

Kocaeli təmsilçisi 33 xalla turnir cədvəlinin üçüncü pilləsində qərarlaşıb.