Sabiq "Mançester Siti"li "Arsenal"a transfer olacaq
"Bavariya"nın almaniyalı futbolçusu Leroy Sane karyerasını İngiltərə Premyer Liqasında davam etdirəcək.
Sportline.az "TBR Football" nəşrinə istinadən xəbər verir ki, "Arsenal" Saneni transfer etmək üçün hərəkətə keçib.
London klubu 29 yaşlı vingeri azad agent kimi heyətinə qatmağı planlaşdırır.
Qeyd edək ki, Sane "Bavariya" ilə yeni müqavilə imzalamaq niyyətində deyil.
O bu mövsüm çıxış etdiyi 36 matçda 11 qol və 4 məhsuldar ötürmə müəllifi olub.
Xatırladaq ki, Sane 2016-2020-ci illər ərzində "Mançester Siti" klubunda çıxış edib.
