Ulduz futbolçu "River Pleyt"ə transfer olacaq

"Mançester Siti"nin belçikalı futbolçusu Kevin De Brüyne mövsümün sonunda klubdan ayrılacaq.

Sportline.az xəbər verir ki, bu haqda "TyC Sports" kanalı məlumat yayıb.

De Brüyne Argentinanın "River Pleyt" klubuna transfer olacağı iddia edilir.

Tərəflər arasında danışıqlar davam edir. 33 yaşlı yarımmüdafiəçi "Mançester Siti"dən azad agent kimi ayrılacaq.

Qeyd edək ki, De Brüyne bu mövsüm bütün turnirlər daxil olmaqla çıxış etdiyi 30 matçda 4 qol və 7 məhsuldar ötürmə müəllifi olub.

Xatırladaq ki, Kevin 2015-ci ilin avqust ayında "Volsburq"dan "Mançester Siti"yə 76 milyon avro qarşılığında transfer olmuşdu.

Onun hazır ki dəyəri "Transfermarkt" portalına görə 27 milyon avro olaraq qiymətləndirilir.