DÇ-2022: Lui Van Qal Skolarinin rekordunu təkrarlaya bilər
Dünya çempionatlarında ən uzun məğlubiyyətsiz oyunlar seriyasına malik olan baş məşqçilərin siyahısında dəyişiklik baş verib.
Sportline.az Beynəlxalq Futbol Tarixi və Statistikaları Federasiyasının (IFFHS) rəsmi saytına istinadən xəbər verir ki, birinci pillədə Braziliya yığmasındə işləmiş Luis Felipe Skolari (12 oyun) qərarlaşıb.
Onun həmyerlisi Mario Zaqallo və hazırda Qətərdəki mundialda Niderland yığmasının sükanı arxasında olan Lui Van Qal 2-3-cü yerləri bölüşdürürlər.
"Narıncılar" DÇ-2022-nin 1/4 finalında bu gün Argentinaya məğlub olmasalar 71 yaşlı mütəxəssis Skolarinin rekordunu təkrarlayacaq.
| Baş məşqçi | Ölkəsi | İşlədiyi yığma | Oyun sayı | Mundial | |
| 1 | Luiz Felipe Skolari | Braziliya | Braziliya, Portuqaliya | 12 | 2002(7), 2006(5) |
| 2 | Mario Zaqallo | Braziliya | Braziliya | 11 | 1970(6), 1974(5) |
| Lui Van Qal | Niderland | Niderland | 11 | 2014(7), 2022(4) | |
| 4 | Entso Bearzot | İtaliya | İtaliya | 10 | 1982(7), 1986(3) |
| Marçello Lippi | İtaliya | İtaliya | 10 | 2006(7), 2010(2) | |
| 6 | Vittorio Pozzo | İtaliya | İtaliya | 9 | 1934(5), 1938(4) |
| Helmut Şön | Almaniya | Almaniya | 9 | 1974(4), 1978(5) | |
| Didye Deşam | Fransa | Fransa | 9 | 2018(7), 2022(2) |
