Fernando Muslera "Qalatasaray"la müqaviləsinin müddətini uzatmayıb
"Qalatasaray"ın təcrübəli qolkiperi Fernando Muslera komanda ilə yeni müqavilə imzalamayıb.
Sportline.az Sporx.com-a istinadla xəbər verir ki, iyundun 30-da müqavilə müddəti bitən təcrübəli qolkiperin "sarı-qırmızılar"la gələcəyi sual latındadır.
"Nasional" kulubunun prezidenti Alexandro Balbi Fernando Muslera ilə maraqlandığını və "Qalatasarayda" qalmaq istəyib istəmədiyini soruşub. Təcrübəli qolkiper isə cavabında :"Bura mənim evimdir. Əlbəttə təklif gələrsə qəbul edəcəyəm və sevə-sevə qalacağam",-deyib.
Qeyd edək ki, daha öncə Fernando Musleranın ailəsi ilə əlaqədar olaraq Uruqvaya dönəcəyi bildirilmişdi.
