"Karyeram ərzində bu qədər pul qazanmamışdım"

UFC-nin sabiq çempionu Frensis Nqannu boks və MMA-dakı gəlirləri müqayisə edib.

Sportline.az xəbər verir ki, o, karyerasında ən çox qonarar aldığı döyüş barədə "Showtime Sports"-a danışarkən "Fyuri ilə döyüş mənim üçün xüsusi oldu. Bu döyüşdə qazandığım bütün karyeram və həyatım boyu qazandıqlarımı üstələdi. İndi həmin məbləği təsəvvür edin...", - deyib.

Nqannu bununla yanaşı digər maraqlı yanaşmadan da söz açıb: "Mənim ailəmə krallara layiq qulluq göstərildi. Onları səyahətə göndərdilər, rinqin yanında yer ayırdılar. Bütün şəhərlə tanış elədilər".

Xatırladaq ki, Ər-Riyadda təşkil olunan döyüşdə Fyuri Nqannu üzərində qələbə qazanmışdı.