Məşhur futbolçu avtoqəzada öldü
İspaniya millisinin sabiq futbolçusu Xose Antonio Reyes avtomobil qəzasında ölüb.
Sportline.az xəbər verir ki, bu barədə onun sabiq klubu "Sevilya"nın rəsmi sosial şəbəkə hesabında məlumat yayılıb.
35 yaşlı yarımmüdafiəçi avtomobil qəzasında dünyasını dəyişib. Qeyd edək ki, Xose Antonio Reyes İngiltərənin "Arsenal", İspaniyanın "Real Madrid" və "Atletiko Madrid" kimi komandalarında da çıxış edib. O, 3 dəfə "Sevilya", iki dəfə isə "Atletiko Madrid"lə Avropa Liqasını qazanıb. Xose Antonio Reyes "Real Madrid" və "Arsenal"la ölkə çempionu olub.
