Messinin gələcək planı bəlli oldu

Lionel Messi gələcək karyerası ilə bağlı qərarını qətiləşdirib.

Sportline.az xəbər verir ki, argentinalı ulduz futbolçu "İnter Mayami"də çıxışını davam etdirmək niyyətindədir.

Leo, ən azı müqaviləsinin müddəti bitəcək 2025-ci ilədək bu komandanın formasını geyinəcək.

Bu haqda "talkSPORT" məlumat yayıb. Mənbənin xəbərinə görə, "İnter Mayami"nin MLS-in pley-offundakı məğlubiyyəti Messinin qərarına təsir göstərməyib.

Qeyd edək ki, dünya çempionu 2023-cü ildən sözügedən klubun şərəfini qoruyur.