Neymarla Ronaldunun fərqi

"Əl-Hilal"ın baş məşqçisi Jorje Jezuş braziliyalı ulduzlar Ronaldu ilə Neymarı müqayisə edib.

Sportline.az xəbər verir ki, təcrübəli mütəxəssis sözügedən futbolçuların fərqli xüsusiyyətlərə malik olduqlarını açıqlayıb:

"Neymar çox anlayışlı və mehriban oğlandır. O, Ronaldunun tam əksidir. Kriştianu daha çox futbola aludədir. Neymar isə şəxsi həyatındakı məsələləri ön sıraya qoyur", - deyə portuqaliyalı mütəxəssis "Central do Arabão"ya düşüncəsini bölüşüb.

Qeyd edək ki, Braziliya millisinin düşərgəsində zədələnən Neymar hələ də dizindən müalicə alır.

31 yaşlı forvard "Əl-Hilal"ın heyətində çıxdığı 5 oyunda 1 qol və 3 asist müəllifidir.