"Qarabağ"ın legioneri ən yaxşılar sırasında
İspaniyanın “Albasete” klubu XXI əsrin ən yaxşı “11-liy”inə namizədləri açıqlayıb.
Sportline.az xəbər verir ki, bununla bağlı ölkənin “5maseldescuento” nəşri sorğu keçirir.
40 futbolçudan ibarət siyahıda “Qarabağ”ın yarımmüdafiəçisi Xayme Romeronun da adı var. 30 yaşlı ispaniyalı 2008/2009 mövsümündə çıxış etdiyi “Albasete”də 36 oyuna 3 qol vurub. Bu, Romeronun ilk klubu olub.
Qeyd edək ki, hazırda “Albasete”də Azərbaycan millisinin üzvü Eddi İsrafilov çıxış edir. 2019-cu ilin avqustundan bu komandanın şərəfini qoruyan 28 yaşlı yarımmüdafiəçinin adı siyahıya daxil edilməyib.
