Rio-2016: Olqa İsmayılova medal şansını itirdi

Rio-2016 Yay Olimpiya Oyunlarının növbəti günündə velosiped idmanında mübarizə davam edib. SportLine.az xəbər verir ki, sprint növündə qadınların yarışında Azərbaycanı təmsil edən Olqa İsmayılova qələbə üçün çalışıb.

Ötən gün keyrin növündə uğursuzluğa düçar olan spinterimiz bu dəfə azarkeşləri sevindirib. Təsnifat yarışlarını 11.152 saniyəlik nəticə ilə yekunlaşdıran İsmayılova 18-ci olub. Bununla da 1/16 final mərhələsinə adlayan sprinterimiz Böyük Britaniya təmsilçisi Rebekka Ceymslə qarşılaşıb. 10.721 saniyə nəticə ilə təsnifat mərhələsini birinci yerdə tamamlamaqla, həm də yeni Olimpiada rekorduna imza atan R.Ceyms velosipedçimizlə dueldən qalib ayılıb.

Bununla da medal şansını itirən Olqa İsmayılova təsəlli yürüşlərinə qatılacaq.