Rocer Federer qayıtmayacaq
Dünyanın ən məşhur idmançılarından Rocer Federer karyerasını bitirməyindən danışıb.
Sportline.az İsveçrə mətbuatına istinadla xəbər verir ki, tennis üzrə dünyanın sabiq 1 nömrəsi heç vaxt tennisə qayıtmayacağını bəyan edib.
“Karyeramı bitirdiyim üçün çox şadam. Mənim üçün geridönüş yoxdur. Sanki bir limon götürüb son damlasına qədər sıxmışam. Əlimdə olan hər şeyi verdim. Artıq heç nə qalmayıb. Gecə həyatından həzz almaq istəyirəm. Bir az diqqətli olmalıyam ki, həddi aşmayım”, - deyə Federer bildirib.
Federer ümumilikdə 111 ATP kateqoriyalı yarışın çempionu olub.
