Ronaldo: “Motivasiya hiss etmədiyim gün karyeramı başa vuracağam”
“Əl-Nəsr”in portuqaliyalı ulduz futbolçusu Kriştiano Ronaldo karyerası haqqında danışıb.
Sportline.az xəbər verir ki, 39 yaşlı futbolçu jurnalistlərə müsahibəsində bu fikirləri səsləndirib;
“Mən, sadəcə, həzz almaq istəyirəm. Tezliklə 40 yaşım olacaq. Motivasiya hiss etdiyim müddətdə futboldan həzz almaq istəyirəm və oynamağa davam edəcəyəm. Motivasiya hiss etmədiyim gün karyeramı başa vuracağam”, - deyə K.Ronaldo bildirib.
Qeyd edək ki, Kriştiano Ronaldo bu mövsüm bütün turnirlər daxil olmaqla çıxış etdiyi 15 matçda 10 qol və 3 asistlə yadda qalıb.
