Zinedin Sidan məşhur Meksika klubunda
Meksikanın 3-cü divizionunun "Halkones de Sapopan" klubunun yarımmüdafiəçisi Zinedin Sidan ölkənin məşhur klublarından olan "Çivas"da çıxış edəcək.
Sportline.az xəbər verir ki, bu haqda klubun X sosial şəbəkəsində məlumat yayılıb.
Qeyd edək ki, 17 yaşlı futbolçunun atası dünya futbolunun ulduzu Zinəddin Zidanın şərəfinə onu belə adlandırıb.
Baş hərflərindəki fərqlilik isə sadəcə səhlənkarlığın nəticəsidir.
Belə ki, yeni doğulan uşağın adını yazan işçi Latın Amerikası ölkələrinin ispan dilində eyni səslənən Z və S hərflərini qarışdırıb.
Futbolçunun tam adı Zinedin Sidan Hernandez Kesadadır.
Bildirilib ki, Sidan bu yaxınlarda futbolda karyerasını başa vurmağı planlaşdırırdı, indi isə Meksikanın elit divizionunda oynamaq arzusunu həyata keçirməyə çalışacaq.
