Danimarkalı futbolçu "Sevilya"nı tərk edib

"Sevilya" yarımmüdafiəçi Tomas Dileyni ilə yolların ayrıldığını açıqlayıb.

Sportline.az Marca.com-a istinadla xəbər verir ki, 32 yaşlı futbolçunun müqaviləsinə qarşılıqlı razılıq əsasında xitam verilib.

Dileyni ötən mövsümü "Anderlext"də keçirib.O, Belçika klubunda bütün turnirlər daxil olmaqla çıxdığı 25 oyunda 1 qol, 2 asistlə yadda qalıb.

Dileyni 2024-cü il Avropa Çempionatında 3 oyunda Danimarka millisinin heyətində meydana çıxıb.

Qeyd edək ki, futbolçu  daha əvvəl "Kopenhagen", "Borussiya" Dortmund və "Hoffenhaym" klubunda çıxış edib.