DÇ 2022: Argentina və Braziliya məğlubiyyətsiz irəliləyir
Dünya çempionatının Cənubi Amerika zonası üzrə seçmə mərhələsində maraqlı görüşlər keçirilib.
Sportline.az xəbər verir ki, yarış cədvəlinin lideri Braziliya millisi Uruqvayı qəbul edib. Meydan sahibləri inamlı qələbə qazanıblar. İlk hissədə Neymar və Rafinya fərqlənib. Fasilədən sonra daha 3 qol vurulub. Rafinya dubl edib. Luis Suaresin bir qoluna isə Qabriel Barbosa dəqiq zərbə ilə cavab verib. 4:1 hesabı ilə qalib gələn Braziliya millisi 31 xalla liderdir.
Argentina seçməsi Peru komandasını minimal hesabla məğlub edib. Yeganə qolu Lautaro Martines vurub. Argentinalılar 25 xalla yalnız braziliyalılardan geri qalırlar.
Çili kollektivi autsayder Venesuelanın qapısından 3 cavabsız topa keçirib. İlk hissədə Erik Pulqar dubl müəllifi olub. İkinci yarıda isə Ben Brereton yekun hesabı müəyyənləşdirib. Çili – Venesuela: 3:0.
Digər görüşlərdə isə Boliviya Paraqvayı 3-0 hesabı ilə məğlub etdiyi halda, Kolumbiya Ekvadorla qolsuz heç-heçə edib.
