DÇ-2022: Kamerun final mərhələsinə yüksəlib

Əlcəzair millisinin Kamerunu qəbul etdiyi DÇ-2022-nin seçmə mərhələsinin cavab oyunları başa çatıb.

Sportline.az xəbər verir ki, Blidada Mustafa Çakər stadionunda keçirilən görüş qonaqların əlavə vaxtda 2:1 hesablı qələbəsi ilə yekunlaşıb. İlk oyun Əlcəzairin qələbəsi ilə yekunlaşıb - 1:0.

Matçın əsas vaxtı Kamerun yığmasının 1:0 hesablı qələbəsi ilə başa çatıb, buna görə oyun əlavə vaxt artırılıb. 118-ci dəqiqədə Əhməd Tubun dəqiq zərbəsi ilə Əlcəzair hesabı bərabərləşdirib. Qarşılaşmanın 124-cü dəqiqəsində qonaqlar qələbə qazana bilib. Qələbə qolunu Karl Toko Ekambi vurub.

Beləliklə, Kamerun millisi DÇ-2022-nin final mərhələsinə yüksəlib.

Qeyd edək ki, aprelin 1-də Dohada dünya çempionatının final mərhələsinin püşkatma mərasimi keçiriləcək.

Final turniri noyabrın 21-dən dekabrın 18-dək Qətərdə keçiriləcək.