Həmzət Çimayevdən sərt reaksiya: Başsız qalarsan...
UFC-nin ortaçəkili (84 kq-dək) çempionu Həmzət Çimayev irlandiyalı İan Qarrinin döyüş təklifinə sərt reaksiya verib.
Sportline.az xəbər verir ki, məğlubedilməz idmançı, X sosial şəbəkəsində həmkarının mesajını belə cavablandırıb: "Sən çox çəlimsizsən, oğlan. Canavarın dişinə keçmə, başsız qalarsan".
Qeyd edək ki, İan Qarrinin 27 yaşı var. O, 2017-ci ildən MMA döyüşçüsüdür.
2021-ci ildən etibarən isə, UFC-nin yarışlarına qatılır. Qarri, indiyədək keçirdiyi 8 döyüşü qələbə ilə başa vurub.
