"İnter Mayami" Rusiyadan futbolçu alır
"İnter Mayami" heyətini daha bir futbolçu ilə gücləndirir.
Sportline.az xəbər verir ki, Messinin də formasını geyindiyi ABŞ klubu Rusiyanın "Orenburq" komandasının argentinalı futbolçusu Qabriel Florentinanın xidmətində maraqlıdır.
Jurnalist Uriel Luqtun X sosial şəbəkəsində yaydığı məlumata görə, tərəflər arasında danışıqlar aparılır.
Baş məşqçi Xerardo Martinonun diqqətini cəlb edən yarımmüdafiəçinin qış transfer pəncərəsində keçidi gözlənilir.
Qeyd edək ki, 24 yaşlı futbolçu bu mövsüm keçirdiyi 17 oyunda rəqib qapılarına iki qol vurub.
Onun transfer qiymətinin 2,5 milyon avro olduğu bildirilir.
