İslam Maxaçev karyerasını bitirəcəyi vaxtı açıqladı

UFC-nin yüngül çəkili çempionu İslam Maxaçev karyerası ilə bağlı düşüncələrini bölüşüb.

Sportline.az xəbər verir ki, dağıstanlı idmançı karyerasını bitirəcəyi vaxtı da açıqlayıb.

"Mən, cavan idmançılarla məşq edirəm. Onların məni üstələdiyini hiss edən kimi karyeramı bitirəcəyəm. Hələ ki, belə hal yaşamamışam. Düşünürəm ki, peşəkar karyeramın pik nöqtəsindəyəm", - deyə Maxaçev "Вloodyelbow"un sualını cavablandırıb.

Qeyd edək ki, İslam Maxaçev yanvarın 19-da Los-Ancelesdə təşkil olunacaq "UFC 311" turniri çərçivəsində Arman Sarukyanla qarşılaşacaq.