"Qalatasaray" PAOK-la oyuna 3 itki ilə çıxacaq

UEFA Avropa Liqasının Liqa mərhələsinin ilk turunda "Qalatasaray" doğma meydanda PAOK-la üz üzə gələcək.

Sportline.az Sporx.com-a istinadla xəbər verir ki, "sarı-qırmızılılar" matça 3 itki ilə çıxacaqlar. Cəzalı Fernano Muslera, zədəli Hakim Ziyeş və UEFA-ya təqdim edilən siyahıda yer almayan Roland Sallai bu görüşdə komandasına kömək edə bilməyəcək.

"RAMS Park"da keçiriləcək görüş sentyabrın 25-də saat 23:00-da başlayacaq.

Xatırladaq ki, hər iki komanda Çempionalar Liqasından mübarizəni dayandıraraq yoluna Avropa Liqasında davam edir. "Qalatasaray" ÇL-nın pley-off mərhələsində 2 oyunun nəticəsinə görə "Yanq Boys"a məğlub olub.(2-4). PAOK isə "Məlmö" ilə duellərdən məğlub ayrılıb.(5-6).