"Qarabağ"ın rəqibindən inamlı qələbə

Futbol üzrə Portuqaliya çempionatında 15-ci turun oyunları keçirilir.

Sportline.az xəbər verir ki, Avropa Liqasının keçid pley-off mərhələsində "Qarabağ"ın rəqibi olan "Braqa" səfərdə "Kasa Pia"nı məğlubiyyətə uğradıb.

Oyun qonaqların 3:1 hesablı qələbəsi ilə nəticələnib.

32 xalı olan "Braqa" turnir cədvəlinin 4-cü pilləsində qərarlaşıb.

Qeyd edək ki, "Qarabağ" "Braqa" ilə ilk oyunu fevralın 15-də Portuqaliyada keçirəcək.

Cavab matçı isə bir həftə sonra Bakıda olacaq.