"Real" Madrid 12 yaşlı belaruslu futbolçunu transfer edib

12 yaşlı belaruslu futbolçu Aleksey Mayorov "Real" Madrid akademiyası ilə müqavilə imzalayıb.

Sportline.az xəbər verir ki, bu barədə İspaniya klubunu mətbuat xidməti məlumat yayıb.

Mayorov çıxışlarına U-13 komandasında başlayacaq.

12 yaşlı Aleksey məşhur futbolçu ailəsindəndir. Onun babası Aleksander Kisten 1980-ci illərdə Minsk "Dinamo"sunun şərəfini qoruyub.

Mayorov daha əvvəl Kataloniya klubu "Serdanole"də çıxış edib və 22 oyunda 59 qol vurub.Madrid klubu oyunçunun transferi üçün 120 min avro ödəyib. Bu, futbolçunun yaşına görə rekord məbləğdir.

Qeyd edək ki, futbolçu ilə "Barselona" ilə yanaşı digər İspaniya klubları da maraqlanırdı.