Ulduz futbolçu Ərəbistanda qalacaq

Roberto Firminonun "Əl-Əhli"dəki taleyinə aydınlıq gətirilib.

Sportline.az xəbər verir ki, braziliyalı futbolçu bu qış komandanı tərk etməyəcək.

Bu haqda jurnalist Florian Plettenberq X sosial şəbəkəsində məlumat paylaşıb.

Onun sözlərinə görə, ulduz forvard baş məşqçi Mattias Yassle ilə münasibətlərinin gərgin olmasına rəğmən komandada çıxışını davam etdirəcək.

Transfer dəyəri 10 milyon avro olan 32 yaşlı hücumçunun klubla 2026-cı ilin yayınadək müqaviləsi var.