Yemelyanenko döyüşə çıxacaq

Rusiyalı MMA döyüşçüsü Aleksandr Yemelyanenko yenidən pərəstişkarları önünə çıxacaq.

Sportline.az xəbər verir ki, qalmaqallı idmançı dekabrın 21-də İnquşetiyada NFL 2 turnirində qüvvəsini sınayacaq.

Onun rəqibinin adı hələ ki, açıqlanmır.

Qeyd edək ki, məşhur Fyodr Yemelyanenkonun qardaşı olan Aleksandr son dəfə 2021-ci ildə döyüşə çıxmışdı.

Həmin görüşdə o, braziliyalı Marsio Santosa boğucu fəndlə uduzmuşdu.

Ümumilikdə isə, Aleksandr Yemelyanenko keçirdiyi 38 döyüşün 28-də qalib gəlib, 9-da məğlub olduğu halda, bir görüşü heç-heçə nəticələnib.