Zidan da karantin qaydalarını pozdu
İspaniyanın "Real Madrid" futbol komandasının baş məşqçisi Zinəddin Zidan özünütəcrid qaydalarını pozub.
Sportline.az yerli "Sport" nəşrinə istinadən xəbər verir ki, 48 yaşlı mütəxəssis paytaxtdan aralıdakı kənd evində görünüb. Halbuki, Madrid sakinlərinin şəhəri tərk etmələri koronavirus pandemiyası ilə əlaqədar qadağandır. Fransalı mütəxəssis buna görə 1450 avro cərimələnə bilər.
Qeyd edək ki, "Real Madrid" məşqlərini mayın 18-də öz bazasında bərpa edib. İspaniya çempionatı iyunda start götürməlidir.
