"Beşiktaş"ın məşqləri dayandı

Türkiyənin "Beşiktaş" klubu 8 üzvünün koronavirusa yoluxmasından sonra məşqləri ləğv edib. 

Sportline.az İstanbul təmsilçisinin rəsmi saytına istinadən xəbər verir ki, komanda hazırlıq prosesini qeyri-müəyyən müddətədək dayandırıb. 

Bir həftə ərzində futbolçular, texniki heyət və komanda üzvləri yenidən koronavirus testindən keçəcək. 

Qeyd edək ki, "Beşiktaş" klubunun prezidenti Ahmet Nur Çebi də koronavirusa yoluxub. Türkiyə Super Liqasının iyunun 12-də bərpa olunacağı açıqlanıb.