"Qalatasaray" almaniyalı futbolçunu heyətinə qatmağa yaxındır

"Bavariya"dan azad agent kimi ayrılan almaniyalı futbolçu Leroy Sane "Qalatasaray"a transfer olmağa yaxındır.

Sportline.az xəbər verir ki, bu haqda insayder Fabritsio Romano öz "X" hesabında paylaşım edib.

29 yaşlı futbolçu İstanbul klubuna keçməyə razılıq verib.

Qeyd edək ki, "Fənərbağça"da Sane ilə yaxından maraqlanır. Lakin təcrübəli futbolçu seçimini "Qalatasaray"dan yana edib.

Onun hazırkı dəyəri "Transfermarkt" portalına görə, 32 milyon avro olaraq qiymətləndirilir.

Xatırladaq ki, Sane Münhen klubuna 2020-ci ilin yayında "Mançester Siti"dən 49 milyon avro qarşılığında transfer olmuşdu.

O, ötən mövsüm bütün turnirlər daxil olmaqla çıxış etdiyi 45 matçda 13 qol 6 məhsuldar ötürmə müəllifi olub.