"Real Madrid"in qəzaya düşən sabiq futbolçusu vəfat edib

İspaniyanın "Real Madrid" klubunun sabiq futbolçusu Freddi Rinkon dünyasını dəyişib.

Sportline.az xəbər verir ki, 55 yaşlı veteran yarımmüdafiəçi avtomobil qəzasına düşdükdən sonra vəfat edib.

Kolumbiyalı keçmiş oyunçunun içərisində olduğu maşın Kali şəhərində aprelin 12-də avtobusla toqquşmuş, nəticədə Rinkon başından ciddi xəsarət almışdı.

Qeyd edək ki, Freddi Rinkon 1995-1996-cı illərdə "Real Madrid"in formasını geyinib. 1990 - 2001-ci illərdə ölkəsinin yığmasına dəvət alan keçmiş orta sahə oyunçusu İtaliyada "Napoli"nin də şərəfini qoruyub.