Avropa çempionatı: Daha bir güləşçimiz medal imkanı qazandı

Daha bir sərbəst güləşçimiz Şamil Zubairov Polşanın paytaxtı Varşavada keçirilən Avropa çempionatında bürünc medal uğrunda görüşə vəsiqə qazanıb.

Sportline.az xəbər verir ki, 97 kq çəki dərəcəsində çıxış edən idmançı təsəlliverici qarşılaşmada Radu Lefterlə (Moldova) üz-üzə gəlib.

14:9 hesabı ilə qələbə qazanan Zubairov medal uğrunda Elizbar Odikadzeyə (Gürcüstan) rəqib olub.

Bu gün Əfqan Xaşalov (57 kq), Əli Rəhimzadə (65 kq) və Rəşad Yusifli (79 kq) bürünc medal, Turan Bayramov (70 kq) final qarşılaşmasına çıxacaq.

Daha 4 sərbəst güləşçi də bu gün yarışa qoşulur. Yarımfinal qarşılaşmaları saat 18:45-də, medal mücadilələri isə saat 20:00-da başlanacaq.