Avropa çempionatının yeri və vaxtı dəyişdirildi
Güləş üzrə 2021-ci il Avropa çempionatı fevral ayından aprelə keçirilib.
Sportline.az xəbər verir ki, bu barədə Dünya Güləş Birliyinin Büro iclasında qərar qəbul olunub. Yarış öncədən açıqlandığı kimi, Polşanın Katovitse şəhərində deyil, paytaxt Varşavada 19 - 25 apreldə təşkil ediləcək.
Tokio Yay Olimpiya Oyunlarına lisenziya xarakterli Avropa Təsnifat Turniri 18 - 21 martda Macarıstanın paytaxtı Budapeştdə keçiriləcək.
Bolqarıstanın paytaxtı Sofiyada təşkil olunacaq Dünya Təsnifat Turniri isə öncədən nəzərdə tutulduğundan bir həftə sonraya - 6 - 9 maya keçirilib.
